Yoli López
Yoli López envíanos para celebrar o Día Mundial da Poesía este fermoso poema:
Sendas carnívoras
Decapitada en terra fértil.
Catástrofe e verdugo
aniquilando un crisol sen fronteiras,
suplicio da soedade sagaz.
Voo como un astro de luz
entre papiros de lume.
Contra o paredón da morte,
vólvome triunfo
na exhortación sacrílega do vento,
rachas de vento e xofre
montando odiseas na neve
que gotea vertixe.
Víboras de auga en desbandada,
puñais de aceiro no alento cego
das miñas veas intermitentes.
Terra estéril e hostil.
Yoli López Funcionaria, filóloga, escritora, artista plástica e tradutora, para quen escribir é fecundar a vida e deixar preñada a nosa morte, porque a poesía é arquitectura volátil e disparo necesario.
|
No hay comentarios:
Publicar un comentario